Էրդողանը հայտնել է, որ 3 հազար փաստաբան Իսրայելի դեմ դիմում է ներկայացրել Միջազգային քրեական դատարան

Էրդողանը հայտնել է, որ 3 հազար փաստաբան Իսրայելի դեմ դիմում է ներկայացրել Միջազգային քրեական դատարան

Գազայի հատվածում Իսրայելի գործողությունների առնչությամբ Միջազգային քրեական դատարան (ՄՔԴ) դիմում է ներկայացրել մոտ 3 հազար փաստաբան, այդ թվում՝ թուրք։

Այս մասին ԱՄԷ-ից վերադառնալուց հետո լրագրողներին ասել է Թուրքիայի նախագահ Ռեջեփ Թայիփ Էրդողանը։

«Մոտ 3 հազար փաստաբաններ անհրաժեշտ դիմումներ են ներկայացրել Հաագայի ՄՔԴ, որոնց թվում է մեր Ստամբուլի պատգամավոր Ջունեյթ Յուքսելը: Այդ մարդիկ կհետևեն Հաագայի գործընթացին: Մենք ակնկալում ենք, որ Գազայի այս դահիճները՝ ցեղասպանության հեղինակները, հատկապես Իսրայելի վարչապետ Բենիամին Նեթանյահուն, կկրեն անհրաժեշտ պատիժը»,- Anadolu գործակալությունը մեջբերում է Էրդողանի խոսքերը:

Թուրքիայի ղեկավարը հավելել է, որ ինքը «ամենաբարձր մակարդակով կհետևի այս իրավիճակի զարգացմանը»։

«Մեր պատգամավոր Ջունեյթ Յուքսելը զեկուցել է, որ Հաագայում իր հանդիպումները հաջող են անցել: Հուսով ենք, որ մեր տրամադրած փաստաթղթերի և տեղեկատվության շնորհիվ մենք դրական արդյունքների կհասնենք ՄՔԴ-ում: Մենք չենք հրաժարվի այս գործից: Մենք ցանկանում ենք, որ Իսրայելի բոլոր առաջնորդները ներգրավված լինեն դրանում: Այս ցեղասպանությունը դատարանի առաջ կանգնեցվեց և պատժվեց, աշխարհը պետք է անի դա»,- ասել է Էրդողանը