Սահմանազատումը եղել է նաև Բրյուսելում քննարկումների առանցքում. Շառլ Միշել

Հայաստանի և Ադրբեջանի սահմանազատման հանձնաժողովների միջև ձեռք բերված համաձայնությունը ողջունել են Վաշինգտոնը, Բրյուսելը, Բեռլինը, Թուրքիան և ՄԱԿ գլխավոր քարտուղարը:

Հայտարարություններում ընդգծվել է Ալմա Աթայի հռչակագիրը սահմանազատման հիմք ընդունելու պայմանավորվածությունը: Երկրները պատրաստակամություն են հայտնել աջակցել խաղաղ բանակցություններին:

Եվրոպական խորհրդի նախագահ Շառլ Միշելը «X»-ի միկրոբլոգում արված գրառմամբ ողջունել է Հայաստանի և Ադրբեջանի միջև ընդունված համաձայնույթյունը նշել է, որ երկու երկրի տարածքային ամբողջականության միանշանակ ճանաչման վրա հիմնված սահմանազատումը եղել է նաև Բրյուսելում քննարկումների առանցքում:

Միշելի խոսքով՝ դա կարևոր քայլ է կարգավորման և տարածաշրջանի խաղաղ բացման ուղղությամբ։