Հայտնի են «Եվրատեսիլ 2024» երգի մրցույթի առաջին կիսաեզրափակիչը հաղթահարած երկրները
«Եվրատեսիլ 2024» երգի հեղինակավոր մրցույթի առաջին կիսաեզրափակիչը, որին մասնակցեց 15 երկիր, հաղթահարեցին Սերբիան, Պորտուգալիան, Սլովենիան, Ուկրաինան, Լիտվան, Ֆինլանդիան, Կիպրոսը, Խորվաթիան, Իռլանդիան և Լյուքսեմբուրգը:
«Արմենպրես»-ի հաղորդմամբ՝ մրցույթի առաջին կիսաեզրափակիչը տեղի ունեցավ մայիսի 7-ին Շվեդիայի Մալմյո քաղաքում:
Հայաստանի պատվիրակ «Լադանիվա» խումբը «Ժակո» երգով հանդես կգա մրցույթի երկրորդ կիսաեզրափակիչում, որը տեղի կունենա մայիսի 9-ին: Մրցույթի եզրափակիչը կկայանա մայիսի 11-ին:
«Լադանիվա» խմբի հիմնադիրներն են մեներգչուհի Ժակլին Բաղդասարյանն ու Լուի Թոմասը: Խմբի մյուս ֆրանսիացի անդամները պարբերաբար փոփոխվում են: Մինչ օրս «Լադանիվա» խումբը հետաքրքիր, յուրահատուկ մոտեցմամբ է երաժշտասերներին ներկայացրել «Զեփյուռի նման», «Վայ աման», «Սարերի հովին մեռնեմ» և այլ հայկական երգեր:
Կարծիքներ