Թուրքիայում ընդդիմադիր լրագրողներ են ձերբակալվել

Դիարբեքիրի հանրապետական գլխավոր դատախազության կողմից իրականացվող հետաքաննության շրջանակում ոստիկանությունը ներխուժել և խուզարկություն է իրականացրել քրդական «Mezopotamya Ajansı» լրատվական գործակալության լրագրողներ Դելալ Աքյուզի, Ֆըրաթ Ջան Արսլանի, ընդդիմադիր «T24» լրատվականի թղթակից Սիբել Յուքլերի և ընդդիմադիր «Bianet» պարբերականի խմբագիր Էվրիմ Քեփենեքի տներում։

Այս մասին գրում է ermenihaber-ը:

Վերջիններս բերման են ենթարկվել ոստիկանական բաժանմունքներ։

Անկարայում ոստիկանությունն առգրավվել է Ֆըրաթ Ջան Արսլանին պատկանող բջջային հեռախոսն ու համակարգիչը։

Թուրքիայի հեղափոխական աշխատանքային արհմիությունների համադաշնության (DISK) մամուլի աշխատանքային արհմությունը կոչ է արել անմիջապես ազատ արձակել 4 լրագրողներին՝ ընդգծելով, որ «լրագրությունը հանցագործություն չէ»։

Դեռևս հայտնի չէ, թե ի՞նչ մեղադրանքներ են առաջադրվել լրագրողների նկատմամբ։