Իրանական հրթիռները պայթել են ԱՄՆ ՌԾՈՒ ավիակրից 160 կմ հեռավորության վրա

Իրանական հրթիռները պայթել են ԱՄՆ ՌԾՈՒ ավիակրից 160 կմ հեռավորության վրա

Իրանցի զինվորականները զորավարժությունների ընթացքում հրթիռներ են արձակել, որոնցից մեկը Հնդկական օվկիանոսում ընկել է առևտրային նավից մոտ 30 կմ հեռավորության վրա: Այս մասին հայտնում է ամերիկյան Fox News հեռուստաալիքը։

«Առնվազն մեկ հրթիռ ընկել է ջրի մեջ՝ նավից վտանգավոր հեռավորության վրա: Թե կոնկրետ ինչ, չի հստակեցվում», – հայտնում է  լրատվամիջոցը:

Հեռուստաալիքի տեղեկություններով ՝ ԱՄՆ ռազմածովային ուժերի հարվածային խումբը, որի կազմի մեջ է մտնում Nimitz ավիակիրը, գտնվում էր այն վայրից մոտ 100 մղոն (160 կմ) հեռավորության վրա, որտեղ պայթել են իրանական առնվազն երկու բալիստիկ հրթիռներ՝ ջրին հարվածելուց հետո:

Ավելի վաղ այս ամիս Պենտագոնը հայտարարել էր, որ Nimitz-ը, որն ապահովում է Սոմալիից ԱՄՆ զինծառայողների դուրսբերման անվտանգությունը, կմնա Մերձավոր Արևելքում ՝ Թեհրանի կողմից իբր առկա սպառնալիքների ֆոնին: Իսկ Իրանի արտաքին գործերի նախարար Մոհամադ Ջավադ Զարիֆը կարծիք էր հայտնել, որ ԱՄՆ-ն ձգտում է պատրվակ գտնել Իրանի հետ պատերազմ սանձազերծելու համար:

Իրանի արտաքին գործերի նախարարը նաև պնդել է, որ Իրաքից ստացված հետախուզական տվյալները վկայում են այն մասին, որ իսրայելցի սադրիչներ-գործակալները հարձակումներ են ծրագրում ամերիկացիների դեմ ՝ հեռացող նախագահ Դոնալդ Թրամփին փակուղի մտցնելով: