Մահացել է ՀԽՍՀ վաստակավոր արտիստ Ժակ Ենգիբարյանը

Մահացել է ՀԽՍՀ վաստակավոր արտիստ Ժակ Ենգիբարյանը

Այսօր կյանքից հեռացել է Հակոբ Պարոնյանի անվան երաժշտական կոմեդիայի պետական թատրոնի դերասան, ՀԽՍՀ վաստակավոր արտիստ Ժակ Ենգիբարյանը։ Այս մասին տեղեկանում ենք Հակոբ Պարոնյանի անվան երաժշտական կոմեդիայի պետական թատրոնի տարածած հայտարարությունից:

Ժակ Ենգիբարյանը ծնվել է Լենինգրադում։

1953 թվականին ավարտել է Երևանի Ձերժինսկու անվան միջնակարգ դպրոցը:

1953-1958 թվականներին սովորել է Մոսկվայի պետական գեղարվեստա-թատերական ինստիտուտի ռեժիսուրայի ֆակուլտետում։

1958-1962 թվականներին եղել է Վիլնյուսի ռուսական դրամատիկ թատրոնի դերասան, մինչև

1977 թվականը որպես դերասան աշխատել է Խորհրդային միության տարբեր քաղաքներում:

1977 թվականից աշխատել է  Երևանի Կ. Ստանիսլավսկու անվան ռուսական դրամատիկական թատրոնում:

1993 թվականից աշխատել է Հակոբ Պարոնյանի անվան երաժշտական կոմեդիայի պետական թատրոնում:

Ժակ Ենգիբարյանը խաղացել է «Հերակլեսի սխրանքները», «Անժելո», «Բոռը», «Դարտանյանը և երեք հրացանակիրները», «Նամուս», «Արշակ թագավոր», «Քանդած օջախ», «Մխիթար սպարապետ», «Ցիլինդր», «Պահանջվում է ստախոս», «12-րդ գիշեր» և այլ ներկայացումներում: