Քարաթափում Աթենքի փողոցում
Մայիսի 23-ին, ժամը 12։24-ին Ճգնաժամային կառավարման ազգային կենտրոն տեղեկություն է ստացվել, որ Երևանի Աթենքի փողոցում տեղի է ունեցել քարաթափում:
Դեպքի վայր է մեկնել ԱԻՆ ՓԾ փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական խումբը։ ԱԻՆ տեղեկատվությամբ, պարզվել է, որ թափվել է մոտ 2 խմ քար: Ճանապարհը դարձել է միակողմանի երթևեկելի։
Փրկարարները ճանապարհի երթևեկելի հատվածից հեռացրել են քարերը և իրականացրել ընկնելու վտանգ ներկայացնող քարերի հեռացման աշխատանքներ․ երթևեկությունը վերականգնվել է։
Կարծիքներ