Ինչպես է Պուտինի առողջությունը՝ covid-19-ի պատվաստումից հետո

Ռուսաստանի նախագահ Վլադիմիր Պուտինը կողմնակի բարդություններ չի ունեցել կորոնավիրուսի դեմ պատվաստումից հետո, հայտնել է նրա մամուլի քարտուղար Դմիտրի Պեսկովը: 

«Ոչ մի ախտանիշ չկա», - ասել է նա ՝ պատասխանելով լրագրողների այն հարցին, թե ինչպես է նախագահը  տարել պատվաստման առաջին փուլը։

Հիշեցնենք, որ Վլադիմիր Պուտինը մարտի 23-ին կորոնավիրուսից պատվաստվել է: Դրանից  անմիջապես հետո Կրեմլում զեկուցել են Ռուսաստանի առաջնորդի լավ ինքնազգացողության մասին։ Ավելի ուշ նախագահն ինքը պատմել է, որ ձախ ձեռքին միայն մի փոքր անհարմարություն է զգացել, այն հատվածում, որտեղ  ներարկում են արել ։ Պուտինը նաեւ հավելել է, որ պատվաստումից հետո երեք օր սպորտով չի զբաղվել:

Դեղամիջոցի անվանումը, որով պատվաստվել է Ռուսաստանի առաջնորդը, Կրեմլը հրաժարվել է բացահայտել ՝ նշելով COVID-19-ի դեմ ռուսական բոլոր երեք պատվաստանյութերի արդյունավետությունը:

Հավելենք, որ այս  պահին ՌԴ-ում գրանցված է 3 պատվաստանյութ: Սկզբում  գրանցվել էր  «Սպուտնիկ V» դեղը, դրանից  հետո գրանցվել են եւս երկու հայրենական պատվաստանյութեր ՝ «Էպիվակկորոնա» եւ «Կովիվակ»։