ԱՄՆ Պետդեպարտամենտը դատապարտում է Երուսաղեմի հրաձգությունը
ԱՄՆ Պետդեպարտամենտը դատապարտել է Երուսաղեմի հրազենային հարձակումը, որը հանգեցրել է մեկ մարդու մահվան։ ՏԱՍՍ-ի հաղորդմամբ՝ կիրակի օրը տարածվել է գերատեսչության մամուլի ծառայության ղեկավար Նեդ Պրայսի համապատասխան գրավոր հայտարարությունը։
«Մենք խստորեն դատապարտում ենք ահաբեկչական հարձակումը, որն այսօր իրականացրեց ՀԱՄԱՍ-ի հրաձիգը Երուսաղեմի Հին քաղաքում, որի հետևանքով մեկ մարդ զոհվեց, կան վիրավորներ։ Մենք մեր ցավակցությունն ենք հայտնում զոհերին և նրանց ընտանիքներին», - ասվում է տեքստում։
Կիրակի առավոտյան Երուսաղեմի Հին քաղաքում հրազենային հարձակման հետևանքով իսրայելցի է զոհվել , երեքը՝ վիրավորվել՝ քաղաքի արևելյան հատվածում գտնվող պաղեստինյան փախստականների Շուաֆաթ ճամբարի բնակիչներից մեկի կողմից։ Հարձակվողը սպանվել է իսրայելական ոստիկանության պատասխան կրակից։
Պաղեստինյան արմատական Համաս շարժումը, որը վերահսկում է Գազայի հատվածը, ստանձնել է հարձակման պատասխանատվությունը՝ նշելով, որ Իսրայելի իշխանություններին դիմադրությունը, այդ թվում՝ զինված հարձակումների միջոցով, կշարունակվի։ Իսրայելի նախագահ Իցհակ Հերցոգն արձագանքել է՝ համաշխարհային հանրությանը կոչ անելով Համասը ճանաչել որպես ահաբեկչական կազմակերպություն՝ իր քաղաքական թևի հետ մեկտեղ։
Կարծիքներ