Փարիզում ոստիկանները գնդակահարել են իրենց դանակով սպառնացած տղամարդուն

Փարիզում ոստիկանները սպանել են ծագումով սուդանցի մի տղամարդու, ով սպառնացել է նրանց մսագործական դանակով:

Նշվում է, որ ոստիկանությունը սպառնալիքը չեզոքացնելու համար օգտագործել է խլացուցիչ հրացաններ, սակայն դրանք ոչ մի ազդեցություն չեն ունեցել։ Այն բանից հետո, երբ տղամարդը դանակը թափահարելով քայլել է դեպի ոստիկանները, չորս ոստիկան մոտ քսան կրակոց է արձակել:

Դրանից հետո ոստիկանները փորձել են վիրավորին օգնություն ցուցաբերել, ինչն անօգուտ է եղել:

Ինչպես հաղորդել է Agence France-Presse-ը՝ վկայակոչելով պրեֆեկտուրայի աղբյուրին, կրակ բացած չորս ոստիկանները շոկային վիճակում տեղափոխվել են հիվանդանոց։

Ոստիկանությունը ծառայողական քննություն է սկսել։