Ջոնսոնը կոչ է արել հարգել կլիմայի գագաթնաժողովին չմասնակցելու Պուտինի որոշումը

Մեծ Բրիտանիայի վարչապետն ասել է, որ հարգում է ՌԴ նախագահ Վլադիմիր Պուտինի և Չինաստանի նախագահ Սի Ցզինպինի որոշումը՝ չմասնակցել ՄԱԿ-ի Կլիմայի փոփոխության շրջանակային կոնվենցիայի (COP26) Կողմերի 26-րդ համաժողովին Գլազգոյում։

«Սի Ցզինպինը չցանկացավ գալ համաճարակի պատճառով: Ես հարգում եմ դա, նույնն է իրավիճակը Վլադիմիր Պուտինի դեպքում», - ասել է բրիտանական կառավարության ղեկավարը՝ ելույթ ունենալով մամուլի ասուլիսում։ COP26-ի շրջանակներում ավելի քան 120 պետությունների և կառավարությունների ղեկավարների մասնակցությամբ երկօրյա գագաթնաժողովից հետո։

Միաժամանակ նա հավելել է, որ չնայած Սի Ցզինպինի բացակայությանը, ՉԺՀ-ն ներկայացված է բարձր մակարդակի մեծ պատվիրակությամբ։ Ջոնսոնը նաև նշել է, որ Չինաստանը վերջին տարիներին ավելի ակտիվ է ներգրավվել կլիմայի փոփոխության դեմ պայքարում. որպես օրինակ՝ Միացյալ Թագավորության կաբինետի ղեկավարը բերել է 2060 թվականին ածխածնային չեզոքության հասնելու չինական իշխանությունների ծրագրերը։

Առաջնորդների ելույթները տեղի են ունեցել երկուշաբթի և երեքշաբթի օրերին Քլայդ գետի ափին գտնվող Շոտլանդական ցուցահանդեսային կենտրոնում: Համաժողովն ինքնին, որը սկսել է աշխատանքը կիրակի օրը, կտևի մինչև նոյեմբերի 12-ը, որի աշխատանքներին մասնակցում են պատվիրակություններ գրեթե 200 երկրներից, որոնցից մոտ 120-ը ներկայացված են ամենաբարձր մակարդակով։

Ռուսաստանի նախագահ Վլադիմիր Պուտինը անտառների պաշտպանության ֆորումի մասնակիցներին ուղղված տեսաուղերձում վստահություն է հայտնել, որ այս փաստաթուղթը անկասկած կծառայի մթնոլորտում ածխաթթու գազի պարունակության նվազեցման փարիզյան համաձայնագրի նպատակներին հասնելու համար։ Նա հավելել է, որ Ռուսաստանը, փորձելով հասնել ածխածնային չեզոքության մինչև 2060 թվականը, նույնպես ապավինում է իր անտառների եզակի ռեսուրսին, քանի որ երկիրը պարունակում է աշխարհի բոլոր անտառների մոտ 20%-ը: