Ողբերգական դեպք Երևանում. շինհրապարակում տղամարդու դի է հայտնաբերվել

Երևանի Արաբկիր վարչական շրջանում ողբերգական դեպք է տեղի ունեցել։ Վերին Անտառային 136/11 հասցեում կառուցվող շենքում երեկ երեկոյան տղամարդու դի է հայտնաբերվել։ Տեղեկությունը հայտնում է shamshyan.com–ը։

Մոտավորապես ժամը 18:20-ին ահազանգ ստացած ոստիկանները պարզել են, որ մահացածը Արմավիրի մարզի բնակիչ, 54-ամյա Անդրանիկ Քեշիշյանն է:

Կայքի տեղեկություններով` նա աշխատում էր շինարարությունում։ Տղամարդը երկրորդ հարկի բարձրությունից ընկել է երկաթե ամրանների վրա:

րան դուրս են բերել ու շտապօգնություն ահազանգել շինարարության մյուս աշխատակիցները: Դեպքի վայր մեկնած բժիշկներն արձանագրել են 54-ամյա շինարարի մահը:

Փաստի առթիվ Արաբկիրի քննչական բաժնում նյութեր են նախապատրաստվում: