Ճապոնիայի արտգործնախարարը հորդորել է հայրենակիցներին անհապաղ լքել Ուկրաինան

Ճապոնիայի արտաքին գործերի նախարար Յոշիմասա Հայաշին հորդորել է հայրենակիցներին հնարավորինս շուտ լքել Ուկրաինան։ «Մենք պետք է անհապաղ տարհանվենք հնարավորինս անվտանգ եղանակով»,- ասել է նա լրագրողներին, հայտնում է ՏԱՍՍ-ը։

«Իրավիճակը կարգավորելու համար դիվանագիտական ​​ջանքերը շարունակվում են, սակայն, իրավիճակը կարող է կտրուկ վատթարանալ», - մեջբերում է Kyodo-ն նախարարի խոսքերը:

Ճապոնիայի ԱԳՆ-ն, ըստ այս տվյալների, այժմ էլեկտրոնային փոստով կապ է հաստատում դեռևս Ուկրաինայում գտնվող հայրենակիցների հետ և կոչ անում անհապաղ մեկնել արտերկիր։ Այսօր նախարարությունը հայտարարել է նաև Կիևում երկրի դեսպանատան տարածքի կրճատման մասին, որտեղ այժմ մնացել են սակավաթիվ աշխատակիցներ։ Այս կապակցությամբ ներկայացուցչության գործունեությունը կրճատվել է, ասվում է գերատեսչության տարածած հաղորդագրության մեջ։