Սոսո Պավլիաշվիլին կնոջ հետ ժամանել է Հայաստան՝ ծննդյան օրը նշելու համար
Վրացական արմատներով ռուսաստանցի երգիչ Սոսո Պավլիաշվիլին կնոջ հետ ժամանել է Հայաստան՝ ծննդյան օրը նշելու համար: Այդ մասին տեղեկանում ենք երգչի «Ինսատգրամի» էջում հրապարակված տեսանյութից, որն արված է ինքնաթիռում:
«Մենք թռչում ենք մեր սիրելի Երևան: Վաղը ես նշում եմ ծննդյանս օրը: Ովքեր մեզ բարին ու լավն են կամենում, թող հարյուրապատիկը փոխանցվի իրենց»,- ասում է երգիչը:
Տեսանյութում Պավլիաշվիլին կնոջ՝ Իրինա Պատլախ Պավլիաշվիլիի հետ նաև երգում է իր հայտնի «Երևան» երգը։
Նշենք, որ այս տարի Սոսո Պավլիաշվիլին դառնում է 57 տարեկան: Նա օտարազգի այն արտիստներից է, որը հաճախ է այցելում Հայաստան՝ իր սերն ու ակնածանքը արտահայտելով հայ ժողովրդի և Հայաստանի նկատմամբ:
Կարծիքներ