Թրամփը հանցավորությունը ճնշելու համար ամերիկյան քաղաքներ կուղարկի դաշնային ուժեր
ԱՄՆ նախագահ Դոնալդ Թրամփը մտադիր է ամերիկյան քաղաքներ ուղարկել զգալի դաշնային ուժեր «Լեգենդ» գործողության շրջանակում հանցավորությունը ճնշելու համար, փոխանցում է BBC-ն:
Թրամփն ասել է, որ ինքն ընտրության այլ ելք չունի եւ ստիպված է դաշնային իրավապահ մարմինների հարյուրավոր աշխատակիցների ուղարկել Չիկագո եւ այլ քաղաքներ, որոնք ղեկավարում են դեմոկրատ քաղաքապետերը, եւ որտեղ բռնկված են անգվածային անկարգություններ:
Լրացուցիչ ուժեր են ուղարկվելու Ալբուկերկե եւ Կանզաս Սիթի: Ավելի վաղ իրավակարգի պահպանման դաշնային ուժերն ուղարկվել էին Փորթլենդ, որի քաղաքապետը հայտարարել էր, որ դա միայն վատթարացրել է ցույցերի պատճառով ստեղծված առանց այն էլ ծանր վիճակը:
ԱՄՆ գլխավոր դատախազ Ուիլյամ Բարը, մամուլի ասուլիսի ժամանակ միանալով Թրամփին, հայտարարել է, որ Կանզաս Սիթի է ուղարկվել մոտ 200 դաշնային գործակալ, գրեթե նույնքան էլ կուղարկվի Չիկագո եւ մոտ 35 գործակալ կգնա Ալբուկերկե:
Կարծիքներ