Զրպարտության եւ վիրավորանքի մասին օրենսդրական նախաձեռնությունը վերանայվել է դեպի մեղմացում

Գործընկերներիս հետ քննարկումներից հետո որոշեցի էական փոփոխություններ մտցնել զրպարտության եւ վիրավորանքի մասին օրենսդրական նախաձեռնության մեջ: Այս մասին այսօր ԱԺ պետաիրավական հարցերի մշտական հանձնաժողովի նիստի ժամանակ Քաղաքացիական օրենսգրքում փոփոխություններ կատարելու մասին օրինագծի երկրորդ եւ վերջնական ընթերցմամբ քննարկման ժամանակ ասաց նախաձեռնության հեղինակ, ԱԺ փոխխոսնակ Ալեն Սիմոնյանը:

Մասնավորապես, սոցցանցերում եւ ԶԼՄ-ներում զրպարտանքի եւ վիրավորանքի համար փոխհատուցման չափն ավելացել է մինչեւ 3 մլն դրամ՝ ավելի վաղ առաջարկված 1 միլիոնից 5 միլիոն դրամի փոխարեն: Զրպարտության դեպքում փոխհատուցման չափը կհասնի մինչեւ 6 մլն դրամի՝ ավելի վաղ առաջարկված 2 միլիոնից 10 միլիոն դրամի փոխարեն:

Բավական երկարատեւ քննարկումներից հետո օրենսդրական նախաձեռնությունը ստացավ հանձնաժողովի դրական եզրակացությունը: