Դեղերի և բժշկական տեխնոլոգիաների փորձագիտական կենտրոնը պետական բացառիկ ֆունկցիա ունի. Ավանեսյանն այցելել է լաբորատորիա
ՀՀ ոռողջապահության նախարար Անահիտ Ավանեսյանը շրջել է «Դեղերի և բժշկական տեխնոլոգիաների փորձագիտական կենտրոնի» վերանորոգված և վերազինված լաբորատորիայում: Կենտրոնը հագեցվել է Համաշխարհային առաջատար արտադրողների շուրջ 20 սարքավորումներով և քիմիապես կայուն լաբորատոր կահույքով:
Այս մասին հայտնում են նախարարությունից:
Լաբորատորիայի վերանորագման և վերազինման աշխատանքներն իրականցվել են Կառավարության ֆինանսական աջակցությամբ. տրամադրվել է շուրջ 595 մլն. դրամ:
«Փորձագիտական այս կենտրոնը կատարում է պետական բացառիկ ֆունկցիա` ապահովելով մեր երկրի դեղորայքային անվտանգությունը: Լաբորատորիայի ամբողջական վերանորոգման և վերազինման ծրագրի առաջին փուլն ենք իրականացրել` տրամադրելով ժամանակակից սարքավորումներ, հաջորդիվ աշխատելու ենք շենքային պայմանների բարելավման ուղղությամբ»,- նշել է Անահիտ Ավանեսյանը:
Նախարարն ընդգծել է որակի միջազգային սերտիֆիկատներով հավաստված, հավասարը չունեցող լաբորատորիա ունենալու տեսլականը, որը կընդլայնի իր գործառույթները գիտական, արտադրական տարբեր նախաձեռնություններում և ծրագրերում` խթան հանդիսանալով մեր երկրի դեղագործական արտադրանքի զարգացման գործում:
Կարծիքներ