Վթար Երևանի Հալաբյան և Արզումանյան փողոցների խաչմերուկում. կան տուժածներ
Փետրվարի 28-ին՝ ժամը 22։57-ին, Ճգնաժամային կառավարման ազգային կենտրոն ահազանգ է ստացվել, որ Երևանի Հալաբյան և Արզումանյան փողոցների խաչմերուկում տեղի է ունեցել ՃՏՊ․ կա տուժած։
Դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ բախվել են «Opel Astra» (վարորդ՝ Գ․ Ա․, ծնված 1992 թ․) և «Hyundai Elantra» (վարորդ՝ Վ․ Ա․, ծնված 1990 թ․) մակնիշների ավտոմեքենաները։
Ուղևորներ՝ Ս․ Ա․-ն և Կ․ Ա․-ն (ծնված 1990 թ.) հոսպիտալացվել են «Արմենիա» ՀԲԿ։
Փրկարարները հոսանաքազրկել են «Opel Astra» մակնիշի ավտոմեքենան։
Կարծիքներ