«Էրեբունին» վերադարձրեց առաջատարի դիրքը բասկետբոլի Ա լիգայում

Հայաստանի բասկետբոլի կանոնավոր առաջնության՝ Vbet Ա լիգայի առաջին շրջանը մոտենում է ավարտին: Փլեյ-օֆֆի մեկնարկից առաջ թիմերն անցկացնումեն վերջին համդիպումները:

«Արմենպրես»-ի հաղորդմամբ` մրցաշրջանի նորեկը` «Ակադեմիա»-ն, մրցեց  հիմնական ֆավորիտներից մեկի՝ «Էրեբունի»-ի հետ: Առաջին քառորդում «Էրեբունի»-ին 14 միավորի առավելություն ստացավ՝ 25:39:  Երկրորդ քառորդում «Էրեբունի»-ն մեծացրեց առավելությունը`46:69: Սակայն թիմը նաև կորուստ ունեցավ՝ վնասվածք ստացավ Դեյվիդ Նիքելբերին:

Հաջորդող երկու քառորդների ընթացքում «Ակադեմիա»-ն լրջորեն չկրճատեց հաշվի խոշոր տարբերությունը և «Էրեբունի»-ն հաղթելով 108:146 հաշվով` կրկին գլխավորում է մրցաշարային աղյուսակը:

Հանդիպման ամենաարդյունավետ բասկետբոլիստը «Ակադեմիա»-ից Խավիեր Մաքկոյն է , ով հավաքեց 27 միավոր, 6 անգամ տիրեց զամբյուղից անդրադարձած գնդակին և կատարեց երկու արդյունավետ փոխանցում:

Vbet Ա Լիգայի շրջանակներում հաջորդ հանդիպումը կկայանա մարտի 5-ին՝ ԲԿՄԱ-ն կմրցի«Ակադեմիա»-ի հետ: