Հոնկոնգի ջրերում ոչնչացվել է Երկրորդ համաշխարհային պատերազմի ծովային ականը
Ուրբաթ օրը տեղի սակրավորները Հոնկոնգ կղզու հարավ-արևելյան ջրերում հայտնաբերված Երկրորդ համաշխարհային պատերազմի ժամանակաշրջանի հին ռազմածովային ականը ոչնչացրեցին: Այդ մասին հայտնել է RTHK ռադիոկայանը:
Ականը պայթել է 15 մետր խորության վրա։ Գործողությանը մասնակցել է վեց ջրասուզակ։
Մասնագետները նախօրոք մեկ կիլոմետր շառավղով շրջափակել են դեպքի տարածքը։
Փորձագետների տվյալներով՝ ականում ավելի քան 220 կգ պայթուցիկ է եղել։ Այն լքվել է բրիտանացի զինվորականների կողմից Երկրորդ համաշխարհային պատերազմի ժամանակ՝ Հոնկոնգի ճապոնական օկուպացիայի ժամանակ։
Կարծիքներ