Ավելի քան 500 միգրանտներ ժամանել են իտալական Լամպեդուզա կղզի

Ասիայից և Աֆրիկայից ավելի քան 500 միգրանտներ երկուշաբթի երեկոյան ժամանել են Միջերկրական ծովում գտնվող իտալական Լամպեդուզա կղզի։ Այս մասին հայտնում է RaiNews24-ը։

Հին ձկնորսական նավը, ըստ ամենայնի, ժամանել է Լիբիայից։ Ներկայում իրականացվում են առաջին օգնության ցուցաբերման, սանիտարական վերահսկողության և այլ միջոցառումներ։

Միգրանտների թվում, ովքեր Սիրիայից, Մարոկկոյից, Բանգլադեշից և Եգիպտոսից են, կան կանայք և երեխաներ։

Եվրոպան ամենալուրջ միգրացիոն ճգնաժամն է վերապրում Երկրորդ համաշխարհային պատերազմի ժամանակվանից ի վեր։ Դա պայմանավորված է Աֆրիկայի և Մերձավոր Արևելքի երկրներում զինված հակամարտություններով և սուր տնտեսական խնդիրներով։

Իտալիայի ՆԳՆ տվյալներով՝ հունվարի 1-ից սեպտեմբերի 27-ը ծովային ճանապարհով Ապենինյան թերակղզի է ժամանել ավելի քան 45 հազար միգրանտ։ Ցուցանիշը գրեթե կրկնակի ավելի է՝ 2020 թվականին նույն ժամանակահատվածի համեմատ։