Ֆրանսիայի հարավում պայթյուն է տեղի ունեցել կոնտեյներային նավի վրա

Երեք մարդ հոսպիտալացվել է Միջերկրական ծովում՝ Տուլոն նավահանգստից հարավ, կոնտեյներային նավի վրա տեղի ունեցած պայթյունից և հրդեհից հետո։ Այս մասին երեքշաբթի օրը հայտնել է Միջերկրական ծովի ծովային պրեֆեկտուրան։

Միջադեպը տեղի է ունեցել տեղական ժամանակով մոտավորապես 09:00-ին: Նշվում է, որ պայթյունը տեղի է ունեցել շարժիչի սենյակում, որից հետո հրդեհ է բռնկվել։ Արդյունքում երեք մարդ վիրավորվել է, նրանցից երկուսի վիճակը ծանր է եղել փրկարարների ժամանման պահին։ Ֆրանսիական ռազմածովային ուժերի Tonnerre ուղղաթիռակիր զինվորական բժիշկները օգնել են վիրավորներին տեղափոխել Թուլոնում գտնվող Սուրբ Աննա բանակի ուսումնական հոսպիտալ:

Նախնական տվյալներով՝ շարժիչի սենյակում տեղի ունեցած վթարից հետո նավը դարձել է անկառավարելի, և որոշվել է այն քարշակել Ֆոս-սյուր-Մեր նավահանգիստ։