Ջո Բայդենի և Սի Ծինփինի հանդիպումը կարող է տեղի ունենալ առաջիկա ամիսներին

ԱՄՆ նախագահ Ջո Բայդենի և Չինաստանի նախագահ Սի Ծինպինի անձնական հանդիպումը կարող է տեղի ունենալ առաջիկա մի քանի ամիսների ընթացքում։

Ինչպես հաղորդում է «ՏԱՍՍ»-ը, այս մասին հունիսի 20-ին հայտնել է ԱՄՆ պետքարտուղար Էնթոնի Բլինկենը։

«Նախագահ Բայդենի և նախագահ Սի Ծինպինի անձնական փոխգործակցությանը փոխարինող  ոչինչ չկա: Ես ակնկալում եմ, որ մենք դա կտեսնենք առաջիկա ամիսներին»,-ասել է նա ABC հեռուստաընկերության եթերում՝ պատասխանելով  երկու ղեկավարների հնարավոր հանդիպման  ժամկետների մասին հարցին:

Հունիսի 18-19-ին Բլինկենն այցելել է Պեկին և հանդիպել Չինաստանի ղեկավարության ներկայացուցիչների հետ։ Նա հայտարարել է, որ շուտով Չինաստան կայցելեն ԱՄՆ վարչակազմի մի շարք այլ ներկայացուցիչներ և Չինաստանի արտգործնախարար Ցին Գանգին հրավիրել է Վաշինգտոն: Ցին Գանգն ընդունել է հրավերը։