Ռոդրիգեսը «Ռեալից» տեղափոխվել է «Էվերթոն»
Կոլումբիայի ֆուտբոլի ազգային հավաքականի կիսապաշտպան Ջեյմս Ռոդրիգեսը «Ռեալից» տեղափոխվել է լիվերպուլյան «Էվերթոն», հայտնում է անգլիական ակումբի կայքը: Ռոդրիգեսը երկու տարվա պայմանագիր է կնքել «Էվերթոնի» հետ`ևս մեկ մրցաշրջան երկարաձգելու հնարավորությամբ: Կոլումբացի ֆուտբոլիստն արդեն խաղացել է «Էվերթոնի» ներկայիս մարզիչ Կառլո Անչելոտիի ղեկավարությամբ, երբ նա Մադրիդի «Ռեալում» էր:
Նախորդ մրցաշրջանում Ռոդրիգեսը «Ռեալի» կազմում անցկացրել է 14 հանդիպում և դարձել 1 գոլի հեղինակ: 29-ամյա խաղացողը Կոլումբիայի հավաքականի կազմում անցկացրել է 76 հանդիպում և խփել 22 գոլ:
Կարծիքներ