Չեխիայի խորհրդարանը կոչ է արել արգելել ռուսների համար ԵՄ վիզաները
Չեխիայի խորհրդարանի վերին և ստորին պալատների միջազգային հարցերի հանձնաժողովների նախագահներ Պավել Ֆիշերը և Մարեկ Ժենիշեկը կոչ են արել ԵՄ երկրներին արգելել Ռուսաստանի քաղաքացիներին շենգենյան վիզաների տրամադրումը։ Այս մասին շաբաթ օրը հայտնել է Չեխական ռադիոն։
Խորհրդարանական հանձնաժողովների ղեկավարները պնդում են, որ նման միջոցը պետք է ներառվի ԵՄ հակառուսական պատժամիջոցների ցանկում, որոնք սահմանվել են Ուկրաինայի իրադարձությունների հետ կապված։
«Ռուսներին Շենգենյան վիզաների տրամադրումը պետք է դադարեցվի: ԵՄ երկրներին աջակցության և միջազգային պաշտպանության համար դիմելու իրավունքը պետք է պահպանվի Ռուսաստանի քաղաքացիների համար, ովքեր ունեն դրանց կարիքը», - ասել է Ֆիշերը ռադիոյով:
Հանրապետության արտաքին գործերի նախարար Յան Լիպավսկին ավելի վաղ աջակցել է ԵՄ որոշ երկրների ղեկավարության ներկայացուցիչների կոչերին՝ արգելել համայնքի անդամներին վիզաներ տրամադրել ռուսներին։
Կարծիքներ