Պուտինը Մատվիենկոյին շնորհել է «Աշխատանքի հերոս»-ի կոչում

ՌԴ նախագահ Վլադիմիր Պուտինը հրամանագիր է ստորագրել Դաշնային խորհրդի ղեկավար Վալենտինա Մատվիենկոյին Աշխատանքի հերոսի կոչում շնորհելու մասին։

Փաստաթուղթը հրապարակվել է իրավական տեղեկատվության պաշտոնական պորտալում։

Համաձայն հրամանագրի՝ կոչումը շնորհվել է պետությանն ու ժողովրդին հատուկ աշխատանքային ծառայությունների համար։

Մատվիենկոն ծնվել է 1949 թվականի ապրիլի 7-ին։ 1972 թվականից Լենինգրադում զբաղվել է կոմսոմոլով և կուսակցական աշխատանքով, 1989-1991 թվականներին եղել է ԽՍՀՄ ժողովրդական պատգամավոր, ղեկավարել է Գերագույն խորհրդի կանանց հարցերի, ընտանիքի պաշտպանության, մայրության և մանկության հանձնաժողովը։ 1991-1998 թվականներին եղել է դիվանագիտական ծառայության մեջ, այդ թվում՝ որպես դեսպան Մալթայում, այնուհետև Հունաստանում։

1998 թվականի սեպտեմբերից մինչև 2003 թվականի մարտը եղել է Ռուսաստանի Դաշնության փոխվարչապետ։ 2003-2011 թվականներին եղել է Սանկտ Պետերբուրգի նահանգապետը, որից հետո դարձել է Դաշնության խորհրդի անդամ և ընտրվել ՌԴ խորհրդարանի վերին պալատի նախագահ։ Մատվիենկոն դարձել է երկրի պատմության մեջ առաջին կինը, ով զբաղեցրել է այս պաշտոնը։

Մատվիենկոն «Հայրենիքին մատուցած ծառայությունների համար» շքանշանի  կրող է, արժանացել է ռուսական բարձրագույն պարգևի՝ Սուրբ Անդրեաս Առաջին կոչվածի շքանշանի։