ԱՄՆ-ը Կանադայի փոխվարչապետին տեսնում է որպես ՆԱՏՕ-ի գլխավոր քարտուղարի պաշտոնում Ստոլտենբերգի իրավահաջորդին

ՆԱՏՕ-ի երկրների ներկայացուցիչներն ակտիվորեն քննարկում են ՆԱՏՕ-ի գլխավոր քարտուղար Յենս Ստոլտենբերգի իրավահաջորդի թեկնածությունը, ԱՄՆ-ն նախընտրում է Կանադայի փոխվարչապետ և ֆինանսների նախարար Քրիստա Ֆրիլանդը, ով ունի ուկրաինական արմատներ։ Այս մասին ուրբաթ հայտնել է The New York Times-  ը՝ վկայակոչելով ԱՄՆ անանուն պաշտոնյաներին։

Հրատարակության զրուցակիցների խոսքով՝ ՆԱՏՕ-ի դաշնակիցների շրջանում արդեն պայքար է սկսվել այն հարցի շուրջ, թե ով կզբաղեցնի դաշինքի ղեկավարի պաշտոնը Ստոլտենբերգից հետո, որի լիազորությունների ժամկետը լրանում է 2023 թվականի աշնանը։ Նրանք նշել են, որ դեռ վաղ է խոսել այն մասին, թե կոնկրետ ով է գլխավորելու ՆԱՏՕ-ն, քանի որ որոշ թեկնածուներ, ի վերջո, կարող են չհաստատվել դաշինքի մյուս անդամների կողմից։

Այդուհանդերձ, Վաշինգտոնը գլխավոր թեկնածու է համարում Կանադայի փոխվարչապետ Քրիստիա Ֆրիլենդին, ով նախկինում զբաղեցրել է երկրի արտաքին գործերի նախարարի պաշտոնը։ Հրատարակության համաձայն՝ Ֆրիլանդը բազմաթիվ առավելություններ ունի՝ նա տիրապետում է մի քանի օտար լեզուների, այդ թվում՝ ռուսերենին և ուկրաիներենին, գիտի մամուլի ասուլիսներ և հրապարակային ելույթներ անցկացնել, ինչպես նաև ղեկավարել է «բարդ բաժիններ»։ Բացի այդ, Ֆրիլենդը, եթե հաջողվի, կդառնա ՆԱՏՕ-ն գլխավորող առաջին կինը և Կանադայի առաջին քաղաքացին: