Ավտովթարի հետևանքով մահացել են Արմեն Մարությանի և Ալլա Սահակյանի դուստրը, նրա ամուսինն ու երեխաները

SHAMSHYAN.com-ը հայտնել է, որ երեկ՝ օգոստոսի 9-ին, ողբերգական ավտովթար է տեղի ունեցել Սյունիքի մարզում: Ժամը 16:00-ի սահմաններում Երևան-Երասխ-Մեղրի ավտոճանապարհի 182-րդ կմ հատվածում բախվել են Toyota մակնիշի և «Mercedes» մակնիշի բեռնատար ավտոմեքենաները:

Toyota-ն վարել է Երևան քաղաքի բնակիչ՝ 49-ամյա Միհրան Գյուլզադյանը, իսկ Mercedes-ը վարել է Արարատի մարզի Նորամարգ գյուղի բնակիչ՝ 61-ամյա Աշոտ Գևորգյանը։

Վթարի հետևանքով տեղում մահացել են Toyota-ի վարորդ Մ. Գյուլզադյանը, ուղևորներ՝ վարորդի կինը, Երևանի բնակիչ, 37-ամյա Թամարա Մարությանը և նրանց երեխաները՝ 15-ամյա Նարեկ և 9-ամյա Արմեն Գյուլզադյանները։

Tert.am Life-ին հայտնի է դարձել, որ մահացել են ՀՀ վաստակավոր արտիստներ Արմեն Մարությանի և Ալլա Սահակյանի դուստրը, նրա ամուսինն ու երեխաները:

Տեղեկությունը հաստատեցին Սունդուկյան թատրոնի նրանց գործընկենեը, որտեղ նրանք աշխատում են: