Հնդկաստանում ջրհեղեղի գոտուց տարհանվել է շուրջ 15 հազար ուխտավոր

Մոտ 15,000 հինդու ուխտագնաց է տարհանվել Հնդկաստանի հյուսիսում գտնվող Ջամու և Քաշմիր միության տարածքում գտնվող Ամարնաթ սրբազան քարանձավային տաճարի տարածքից: Շաբաթ օրը NDTV հեռուստաալիքի փոխանցմամբ՝ տարհանման գործողությանը մասնակցում են տեղի կայազորի զինվորականները և սահմանապահ ստորաբաժանումները։

Ուրբաթ օրը տեղի ունեցած ուժեղ ջրհեղեղի հետևանքով առնվազն 15 մարդ է զոհվել։ Ավելի քան 40 մարդ դեռևս անհետ կորած է համարվում, ըստ իշխանությունների:

Ջրի հեղեղներն ու սողանքները հարվածել են վրաններին և հանրային խոհանոցներին ուրբաթ օրը, ուխտավորների ճամբարները լցված են ցեխով և քարերով, ասում են տարհանվածները: Ներկա պահին մարդկանց տեղափոխում են ժամանակավոր տեղավորման ճամբարներ։ Փրկարար խմբերը փնտրում են անհետ կորածներին։