Բլինկենն ու Չավուշօղլուն քննարկել են Անկարայի կողմից Մոնտրոյի կոնվենցիայի իրագործումը

ԱՄՆ պետքարտուղար Էնթոնի Բլինկենը երկուշաբթի օրը Թուրքիայի արտգործնախարար Մևլութ Չավուշօղլուի հետ հեռախոսազրույցում շնորհակալություն է հայտնել Անկարային՝ Ուկրաինայում տիրող իրավիճակի հետ կապված Մոնտրոյի կոնվենցիայի կատարման համար։ Այս մասին ասված է Պետդեպարտամենտի մամուլի ծառայության ղեկավար Նեդ Փրայսի՝ բանակցությունների արդյունքներով տարածված գրավոր հայտարարության մեջ։

«Քարտուղար Բլինքենն իր երախտագիտությունն է հայտնել Թուրքիայի կողմից Մոնտրոյի կոնվենցիայի շարունակական կիրառման, ինչպես նաև այս հարցի վերաբերյալ արտգործնախարար Չավուշօղլուի վերջին հայտարարությունների համար: Պետքարտուղարը նաև շնորհակալություն է հայտնել Թուրքիային Ուկրաինային, նրա ինքնիշխանությունը և տարածքային ամբողջականությունը պաշտպանելու հարցում ցուցաբերած ամուր աջակցության համար»,- ասել է դիվանագետը: