Մեքսիկայում ռազմական ինքնաթիռ է կործանվել․ կա 6 զոհ
Մեքսիկայի Վերակրուս նահանգում ռազմական ինքնաթիռ է ընկել, զոհվել է 6 մարդ: Այս մասին հայտնել է նահանգի քաղաքացիական պաշտպանության նախարարությունը:
«Հաղորդվում է Էմիլիանո Սապատայի մունիցիպալիտետում ինքնաթիռի ընկնելու մասին», – ասված է գերատեսչության հայտարարության մեջ և նշվում է, որ ներկայում տեղում աշխատում են մասնագետները:
Universal թերթի աղբյուրների տվյալներով ՝ խոսքը Մեքսիկայի ռազմաօդային ուժերի Learjet ինքնաթիռի մասին է, որը դուրս է եկել թռիչքուղուց և այրվել:
Կարծիքներ