Ճապոնիան ցանկանում է հիպերձայնային զենք տեղակայել Հոկայդո կղզում

Աշխարհ 10 Դեկտեմբեր 2022 | 06:27

Ճապոնիայի պաշտպանության նախարարությունը նախատեսում է մինչև 1000 կմ հեռահարությամբ հիպերձայնային զենք տեղակայել հյուսիսային Հոկայդո կղզում և հարավ-արևմտյան Կյուսյուում: Այս մասին շաբաթ օրը հայտնել է NHK հեռուստաալիքը ՝ վկայակոչելով կառավարական աղբյուրները։

Այդ նպատակով, ինչպես նշվում է, մինչև 2026 թվականը գերատեսչությունը մտադիր է ցամաքային ինքնապաշտպանական ուժերի կազմում ստեղծել երկու նոր ստորաբաժանումներ։ Նրանք պետք է կառավարեն կայանքները, որոնք նախատեսված են հիպերձայնային սահող մարտագլխիկներով բալիստիկ հրթիռներ արձակելու համար։ Որոշակի բարձրության հասնելուց հետո բլոկը անջատվում է մեկնարկային մեքենայից և սահում դեպի թիրախը։ Համարվում է, որ դրանք ավելի դժվար է որսալ, քան սովորական հրթիռները: