Բրազիլիան հաստատել է Ուկրաինայից փախստականներին մարդասիրական վիզաների տրամադրման կարգը

Բրազիլիայի իշխանությունները հաստատել են Ուկրաինայից փախստականներին մարդասիրական վիզաների և կացության թույլտվությունների տրամադրման կարգը։ ՏԱՍՍ-ի հաղորդմամբ՝ համապատասխան միջգերատեսչական հրամանագիրը հրապարակվել է հինգշաբթի օրը երկրի կառավարության պաշտոնական Diário Official da União- ում։

Ինչպես հետևում է փաստաթղթից, վիզաներ կտրամադրվեն ուկրաինացիներին և քաղաքացիություն չունեցող անձանց՝ Ուկրաինայում զինված հակամարտության հետևանքով վիրավորված կամ տեղահանված, 180 օրով։ Հետագայում նրանք կկարողանան Բրազիլիայում բնակության թույլտվություն ստանալ մինչև երկու տարի ժամկետով: Նախօրեին Բրազիլիայի նախագահ Ժաիր Բոլսոնարոն հիշեցրել էր, որ Բրազիլիայում արդեն ապրում է մոտ 600 հազար մարդ Ուկրաինայից և նրանց ժառանգներից։

Ինչպես հինգշաբթի ասել է ՄԱԿ-ի Մարդու իրավունքների գերագույն հանձնակատար Միշել Բաչելետը, ավելի քան 2 միլիոն մարդ ստիպված է եղել լքել իրենց տները վերջին յոթ օրվա ընթացքում Ուկրաինայում ստեղծված իրավիճակի պատճառով, այդ թվում՝ 1 միլիոն 40 հազարը ապաստան է խնդրել հարևան երկրներում։ ՄԱԿ-ի փախստականների հարցերով գերագույն հանձնակատարի գնահատմամբ՝ առաջիկա շաբաթների ընթացքում մինչև 4 միլիոն մարդ կարող է լքել երկիրը, եթե հակամարտությունը շարունակվի։