Գերմանիան հրաշքով փրկվեց Հունգարիայի հետ խաղում և մտավ փլեյ-օֆֆ. Եվրո-2020

Ֆուտբոլի Եվրոպայի առաջնությունում կայացան խմբային փուլի վերջին երկու հանդիպումները:

Գերմանիայի հավաքականը սեփական դաշտում մեծ դժվարությամբ ոչ-ոքի խաղաց Հուգարիայի հետ` 2:2: Դաշտի տերերը փրկարար գոլը խփեցին 84-րդ րոպեին, հակառակ դեպքում նրանք պարտություն կկրեին և դուրս կմնային պայքարից: Իսկ այդ ոչ-ոքիի շնորհիվ Գերմանիան զբաղեցրեց 2-րդ տեղը և մտավ փլեյ-օֆֆ:

Զուգահեռ ընդացող Պորտուգալիա - Ֆրանսիա խաղում նույնպես գրանցվեց մարտական ոչ-ոքի` 2:2: Ֆրանսիացիները վաստակեցին 5 միավոր և զբաղեցրին 1-ին տեղը: Եվրոպայի գործող չեմպիոն Պորտուգալիան 4 միավորով չնայած զբաղեցրեց 3-րդ տեղը, սակայն նույնպես նվաճեց փլեյ-օֆֆի ուղեգիր:

Այդպիսով հայտնի դարձան 1/8 եզրափակիչ փուլի բոլոր զույգերը.

Ուելս – Դանիա

Իտալիա – Ավստրիա

Նիդեռլանդներ – Չեխիա

Բելգիա - Պորտուգալիա

Խորվաթիա – Իսպանիա

Ֆրանսիա – Շվեյցարիա

Անգլիա – Գերմանիա

Շվեդիա - Ուկրաինա