Ուկրաինայում հայտնաբերվել են ռուս զինծառայողների դիեր՝ շարված Z տառի տեսքով (լուսանկար)
Բրիտանական Daily Mail պարբերականը հրապարակել է լուսանկար, որում ուկրաինացիները ռուս զինծառայողների դիերը շարել են ընթացող ռազմական գործողության շրջանակում ռուսական զորքերի խորհրդանիշը համարվող Z տառի տեսքով:
Նշվում է, որ լուսանկարն արվել է Խարկովից ոչ հեռու գտնվող գյուղերից մեկում:
Աղբյուրը մանրամասնում է, որ ուկրաինական կողմը լուրջ առաջընթաց ունի Խարկովի ուղղությամբ:
Լրագրողները, որոնք խիզախել են դուրս գալ առաջացող զորքերի հետևում, Խարկովի մոտակա գյուղերը նկարագրել են որպես «գերեզմանոց բաց երկնքի տակ», որտեղ փողոցներն ու դաշտերը լցված են մարմիններով:
Ամենասարսափելի տեսարաններից մեկը ռուսական զինծառայողների դիակների հայտնաբերումն էր, որոնք դասավորված էին Z տառի տեսքով:
Կարծիքներ