Սուրեն Ղամբարյանի նախաձեռնությամբ կազմակերպվել է մեծարման և խոնարհումի յուրօրինակ հուշ-երեկո, ի հիշատակ հայոց նվիրյալ զավակների
Նոր Նորք վարչական շրջանի ֆեյսբուքյան էջը հայտնում է.
«Նոր Նորք վարչական շրջանի ղեկավար Սուրեն Ղամբարյանի նախաձեռնությամբ 44-օրյա պատերազմում հայրենիքի համար հերոսացած մեր անմահ հայորդիների ծննդյան տարեդարձերին նվիրված ամենամսյա միջոցառումներից հերթականն անցկացվել է Նոր Նորք վարչական շրջանի Հայկանուշ Դանիելյանի անվան արվեստի դպրոցում:
Միջոցառմանը մասնակցել են փետրվար ամսին ծնված 14 հերոս տղաների հարազատները, Նոր Նորք վարչական շրջանի ղեկավար Սուրեն Ղամբարյանը, աշխատակազմի ներկայացուցիչներ, արվեստագետներ և այլ հյուրեր։
Հուշ-երեկոն մեծարման և խոնարհումի յուրօրինակ նախաձեռնություն էր, ի հիշատակ հայոց նվիրյալ զավակների:
Միջոցառման ընթացքում Նոր Նորք վարչական շրջանի ղեկավարի կողմից հերոսների հարազատները պարգևատրվել են շնորհակալագրերով և հուշանվերներով։
Բարձր գնահատելով Նոր Նորք վարչական շրջանի ղեկավարի ավանդը մեր հերոս եղբայրներին մեծարելու, նրանց հիշատակը հարգելու և հարազատներին զորավիգ լինելու առումով` հերոսածին մայրերի կողմից Սուրեն Ղամբարյանը պարգևատրվել է շնորհակալագրով:
Հավերժ փառք և խոնարհում մեր ազգի նվիրյալ զավակներին»:
Կարծիքներ