Երևան-Մեղրի ավտոճանապարհին ավտոմեքենան դուրս է եկել ճանապարհի երթևեկելի հատվածից, կողաշրջվել և բռնկվել
Մայիսի 16-ին՝ ժամը 12։05-ին, Արարատի մարզային ճգնաժամային կառավարման կենտրոն ահազանգ է ստացվել, որ Արտաշատ քաղաքի սկզբնամասում այրվում է ավտոմեքենա։
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ Երևան-Մեղրի ավտոճանապարհի 27-րդ կմ-ի աջակողմյան հատվածում «Լեքսուս» (վարորդ՝ Մ․ Հ․, ծնված 1996 թ.) մակնիշի ավտոմեքենան դուրս է եկել ճանապարհի երթևեկելի հատվածից, կողաշրջվել և բռնկվել:
Հրդեհը մեկուսացվել է ժամը 12:19-ին, մարվել՝ 12:30-ին: Այրվել են ավտոմեքենայի շարժիչի հատվածը և սրահը մասամբ:
Կարծիքներ