Պորտուգալիայում տեղի կունենան արտահերթ խորհրդարանական ընտրություններ

Պորտուգալիայում կիրակի օրը տեղի կունենան արտահերթ խորհրդարանական ընտրություններ: Երկրի քաղաքացիները պետք է ընտրեն Հանրապետության ասամբլեայի (միապալատ խորհրդարան) 230 պատգամավորի։

Ընտրատեղամասերը կբացվեն տեղական ժամանակով ժամը 08:00-ին  և կաշխատեն մինչև 19:00-ն: Քվեարկության նախնական արդյունքները կհրապարակվեն գիշերը։

Անցյալ տարվա նոյեմբերի 4-ին Պորտուգալիայի նախագահ Մարսելո Ռեբելո դե Սոզան հայտարարեց խորհրդարանը ցրելու և երկրում արտահերթ ընտրություններ նշանակելու մտադրության մասին։ Պետության ղեկավարի այս որոշումը կայացվել է այն բանից հետո, երբ երկրի խորհրդարանը չի աջակցել Պորտուգալիայի 2022 թվականի բյուջեի նախագծին, որը ներկայացրել է կառավարությունը 2021 թվականի հոկտեմբերի 27-ին։ Վարչապետ Անտոնիո Կոստայի Սոցիալիստական ​​կուսակցությանը, որը բացարձակ մեծամասնություն չուներ հանրապետության ասամբլեայում, կարիք ուներ այլ կուսակցությունների խորհրդարանականների՝ կա՛մ նախագծին աջակցելու, կա՛մ ձեռնպահ մնալու համար:

Պորտուգալիայի կոմունիստական ​​կուսակցությունը և Ձախերի դաշինքը դեմ են արտահայտվել կառավարության նախաձեռնությանը, որոնք պահանջում են, ի թիվս այլ բաների, բարեփոխումներ հանրային առողջապահական համակարգում, բարձր կենսաթոշակներ և նվազագույն աշխատավարձի ավելի մեծ բարձրացում։