Ջոնսոնը կարծում է, որ Մեծ Բրիտանիայի ներդրումը ՆԱՏՕ-ում ազդանշան կլինի Ռուսաստանի համար

Մեծ Բրիտանիայի վարչապետ Բորիս Ջոնսոնը մտադիր է ազդանշան ուղարկել Մոսկվային՝ ուժեղացնելով թագավորության ռազմական ներդրումը ՆԱՏՕ-ում։ ՏԱՍՍ-ին հաղորդմամբ՝ այս մասին ասված է բրիտանական կառավարության ղեկավարի հայտարարության մեջ, որը շաբաթ օրը տարածել է նրա գրասենյակը։ Մասնավորապես, Լոնդոնը կարող է կրկնապատկել իր զինվորականների թիվը Էստոնիայում՝ հասնելով 1800 մարդու, պաշտպանական զենք ուղարկել այնտեղ, ինչպես նաև պատրաստ է ռազմական աջակցություն ցուցաբերել ՆԱՏՕ-ի իր մյուս դաշնակիցներին։

Վարչապետի գրասենյակից ՏԱՍՍ-ի թղթակցին բացատրել են, որ որպես քայլերից մեկը՝ Լոնդոնը նախատեսում է Էստոնիայում իր զորախմբի թիվը, որն այժմ կազմում է 900 զինծառայող, մինչև 1800 մարդ: Էստոնիայում գործում է ՆԱՏՕ-ի բազմազգ գումարտակ՝ բրիտանական հրամանատարության ներքո, և ևս 150 բրիտանացի զինծառայող Լեհաստանում ՆԱՏՕ-ի գումարտակի մաս է կազմում: Այս շաբաթվա սկզբին The Daily Telegraph-ը , վկայակոչելով բրիտանական պաշտպանական աղբյուրները, հայտնել էր, որ Միացյալ Թագավորությունը և Միացյալ Նահանգները ուսումնասիրում են Ռումինիա, Բուլղարիա և Հունգարիա 1000-ական զինվոր ուղարկելու հնարավորությունը: