Ռուսաստանի ամենամեծ գազի հանքավայրում հրդեհ է բռնկվել (տեսանյութ)
Յամալո-Նենեց ինքնավար շրջանի ռուսական խոշորագույն «Ուրենգոյ» գազային հանքավայրում հրդեհ է բռնկվել, տուժածներ չկան, հայտնել է «Գազպրոմ Դոբիչա Ուրենգոյը»:
Միջադեպը, ըստ «Գազ-հայրիկ» Telegram ալիքի, տեղի է ունեցել յոթերորդ և ութերորդ գազի հանքավայրերի միջև, որտեղ 140 սանտիմետր տրամագծով խողովակ է վնասվել։ Առավոտյան ժամը չորսին հրդեհը տեղայնացվել է, նշել են ընկերությունից՝ ընդգծելով, որ հրդեհը չի ազդել արտադրության մակարդակի վրա։
Ուրենգոյ հանքավայրը աշխարհի երեք խոշորագույն հանքավայրերից մեկն է, դրա պաշարները գերազանցում են 10 տրիլիոն խորանարդ մետր գազը։
Կարծիքներ