Արմեն Փամբուխչյանը և ՌԴ ԱԻՆ միջազգային գործունեության վարչության տնօրենը քննարկել են փոխգործակցության ծրագրեր
ԱԻ նախարարի պարտականությունները ժամանակավոր կատարող Արմեն Փամբուխչյանը մարտի 30-ին ընդունել է ՌԴ ԱԻՆ միջազգային գործունեության վարչության տնօրեն Վլադիմիր Սոլովյովին, որը Հայաստան է ժամանել հումանիտար օգնություն փոխանցելու նպատակով: Այս մասինտեղեկացրին ՀՀ արտակարգ իրավիճակների նախարարությունից։
« Ա. Փամբուխչյանը շնորհակալություն է հայտնել ռուսական կողմին ակտիվ և արդյունավետ համագործակցության համար՝ մասնավորապես բարձր գնահատելով ներդրումը «Ռուս-հայկական մարդասիրական արձագանքման կենտրոն»-ի զարգացման և վերազինման աշխատանքներում: Նա համոզմունք է հայտնել, որ ձևավորված գործընկերությունը և համագործակցությունը շարունակական կլինեն: Արմեն Փամբուխչյանն անդրադարձել է նաև ընթացիկ համատեղ ծրագրերին, դրանց իրականացման ժամկերտներին և հնարավորություններին»,- ասվում է հաղորդագրության մեջ:
Ըստ աղբյուրի՝ Վլադիմիր Սոլովյովը ևս բարձրաձայնել է արդյունավետ փոխգործակցության փաստը: ՌԴ ԱԻՆ միջազգային գործունեության վարչության ղեկավարը ներկայացրել է հումանիտար օգնության շրջանակներում Հայաստան բերված հրշեջ-փրկարարական գույք-սարքավորումների և հատուկ ավտոմեքենաների ցանկը: Քննարկվել են «Ռուս-հայկական մարդասիրական արձագանքման կենտրոն»-ի տարածքում բազմաֆունկցիոնալ անգարային համալիրի կառուցման ծրագրի ընթացքը, ինչպես նաև՝ կենտրոնի հետագա զարգացմանն ուղղված համագործակցության հեռանկարները:
Կարծիքներ