Ղազախստանը և Չինաստանը հուլիսի 1-ից կվերսկսեն կոմերցիոն թռիչքները

Ղազախստանի և Չինաստանի իշխանությունները հուլիսի 1-ից կվերսկսեն երկու երկրների միջև կոմերցիոն թռիչքները։ Այս մասին կիրակի օրը հայտնել է Ղազախստանում Չինաստանի դեսպանատան մամուլի ծառայությունը։

«Չինական և ղազախական կողմերի միջև համապատասխան պայմանավորվածությունների համաձայն՝ երկու երկրների միջև ուղիղ առևտրային թռիչքները կվերսկսվեն հուլիսի 1-ից»,- ասվում է հաղորդագրությունում։

Նշվեց, որ Ղազախստանից Չինաստան մեկնող ուղևորները պետք է անցնեն երկու PCR թեստ՝ մեկնելուց 48 ժամ և 24 ժամ առաջ Չինաստանի դեսպանատան և գլխավոր հյուպատոսության կողմից նշանակված երկու տարբեր լաբորատորիաներում։ Բացի այդ, մեկնելուց 12 ժամ առաջ ուղևորները պետք է անցնեն լրացուցիչ հակագենային թեստ, որը պետք է ներկայացվի թռիչքի համար գրանցման ժամանակ:

Մինչև Չինաստան թռչելը ուղևորները պետք է 10 օր անցկացնեն Ղազախստանում ինքնամեկուսացման մեջ, ինքնուրույն վերահսկեն իրենց առողջությունը և ստորագրեն համապատասխան երաշխիքային նամակ։

Ղազախստանը դադարեցրել է ուղևորափոխադրումները Չինաստանի հետ 2020 թվականի փետրվարին՝ կորոնավիրուսի համաճարակի պատճառով։