«Քայլ դեպի տուն» ծրագրի մասնակիցներն այցելել են մի շարք կրթական հաստատություններ
Սփյուռքի գլխավոր հանձնակատարի գրասենյակի «Քայլ դեպի տուն» ուսումնաճանաչողական երկշաբաթյա ծրագրի առաջին փուլի մասնակիցներն այցելել են մի շարք կրթական հաստատություններ՝ «Թումո», «Այբ» դպրոց և Հայաստանի ամերիկյան համալսարան:
«Թումոյում» ծանոթացել են կենտրոնի առօրյային, դասընթացներին և ծրագրերին, ներառյալ՝ անիմացիայի, երաժշտության, ֆիլմարտադրության, ծրագրավորման և այլ դասերին, ապա ծրագրի մասնակիցներն այցելել են «Այբ» դպրոց, որը ծառայում է որպես 21-րդ դարի հայկական կրթության մոդել՝ կրթելով գրագետ և ազնիվ սերունդ, որը հպարտ է իր կրթությամբ և ունի պատասխանատվության ուժեղ զգացում:
«Քայլ դեպի տուն» ծրագրի մասնակիցները եղել են նաև Հայաստանի ամերիկյան համալսարանում, որտեղ նրանց ներկայացվել են ինչպես Ամերիկյան հալասարանի, այնպես էլ Հայ-ռուսական և Վ. Բրյուսովի անվան պետական լեզվահասարակագիտական համալսարանների կրթական հնարավորությունները:
Կարծիքներ