Լևոն Արոնյանը առաջատարների թվում է. Airthings Masters մրցաշար

Այսօր մեկնարկեց առցանց անցկացվող արագ շախմատի Airthings Masters մրցաշարը, որին մասնակցում են 12 գրոսմայստեր, այդ թվում Հայաստանի ուժեղագույն շախմատիստ Լևոն Արոնյանը:

Արդեն կայացել են առաջին չորս տուրերը: Լևոն Արոնյանը մեկնարկային պարտիայում ոչ-ոքի է խաղացել աշխարհի չեմպիոն Մագնուս Կառլսենի հետ, իսկ երկրորդում հաղթել է Անիշ Գիրիին: Երրորդ-չորրորդ տուրերում Ալեքսանդր Գրիշչուկի և Հիկարու Նակամուրայի հետ նա հաշտություն է կնքել:

Լևոն Արոնյանը վաստակելով 2,5 միավոր, այժմ չորս այլ շախմատիստների հետ բաժանում է 1-5-րդ տեղերը: Վաղը նա կհանդիպի Յան Նեպոմնյաշչու (2 միավոր), Մաքսիմ Վաշյե Լագրավի (1,5) և Վեսլի Սոյի (2,5) հետ:

Հիշեցնենք, որ շախմատիստները նախ շրջանաձև մրցաշարով կպարզեն ութ լավագույններին, որոնք հետո «նոկաուտ» մրցակարգով կորոշեն հաղթողին: Մրցաշարը կավարտվի 2021թ հունվարի 3-ին: