Օգոստոսին Հայաստանից ու Ռուսաստանից քանի անձ է մեկնել Վրաստան

Վրաստանի ներքին գործերի նախարարության (ՆԳՆ) տվյալներով՝ 2022 թվականի օգոստոսին Վրաստան է մուտք գործել Ռուսաստանի Դաշնության 24 հազար 076 ավելի քաղաքացի, նույն տարվա հուլիսի համեմատ։

Այս մասին հայտնում է Aliq.ge-ն։

ՆԳՆ-ի փոխանցմամբ, օգոստոսին Վրաստան է մուտք գործել Ռուսաստանի 260 հազար 810 քաղաքացի, հուլիսին՝ 236 հազար 734 քաղաքացի։

Առաջին եռյակում ՌԴ-ն առաջատարն է Վրաստան մուտք գործած քաղաքացիների թվով: Առաջին եռամսյակում Վրաստան է մուտք գործել Հայաստանի 178 հազար 483 քաղաքացի, երրորդ տեղում Թուրքիան է՝ 116 հազար 882 քաղաքացիներով։

ՆԳՆ-ի տվյալներով՝ 2022 թվականի օգոստոսին Վրաստան է մուտք գործել Բելառուսի 28 հազար 885 և Ուկրաինայի 23 հազար 439 քաղաքացի։

ՆԳՆ-ի տեղեկության համաձայն՝ 2022 թվականի օգոստոսին վրաց-ռուսական ցամաքային սահմանը հատել է 468 հազար 457 քաղաքացի։ Այստեղից «Կազբեգի» ելքով Վրաստան է մուտք գործել 213 հազար 100 քաղաքացի, նույն ճանապարհով Վրաստանից մեկնել է 255 հազար 357 քաղաքացի։