Ես ինձ պատրաստված եմ զգում. Մարեյը խոսել է Ավստրալիայի բաց առաջնության մասին

Բրիտանացի թենիսիստ Էնդի Մարեյը Ավստրալիայի բաց առաջնության նախօրեին խոսել է իր ֆիզիկական մարզավիճակի մասին:

Այս մասին գրում է Armsport.am-ը։

«Ես ինձ լավ պատրաստված եմ զգում, պատրաստ եմ մրցաշարի սկզբում խաղալ լավագույն խաղացողների հետ, մինչդեռ անցյալ տարի երբեմն իմ խաղն այնքան էլ լավ չէր թվում:

Ես լավ նախապատրաստություն եմ ունեցել, աշխատել եմ որոշ բաների վրա և բարելավել:
Ես նաև շատ էի աշխատում կորտից դուրս՝ մարզադահլիճում, ուստի այն հանդիպումներում, որոնք ես խաղացել եմ, իմ շարժումներն  ավելի լավն էին, քան նախկինում կլինեին նույն փուլում»,- ասել է Մարեյը։

2023 թվականի Ավստրալիայի բաց առաջնությունում իր առաջին խաղում բրիտանացին կհանդիպի իտալացի թենիսիստ Մատեո Բերետտինիի հետ։ Մրցաշարը կանցկացվի հունվարի 16-ից 29-ը։