Իրանը երբեք լուրջ չի ընդունել Բոլթոնի խոսքերը. Մոհամմադ Ջավադ Զարիֆ
Իրանը երբեք լուրջ չի ընդունել ԱՄՆ նախագահի՝ ազգային անվտանգության հարցերով նախկին խարհրդական Ջոն Բոլթոնի՝ սիրիական հարցում Ռուսաստանի և Իրանի վերաբերյալ հայտարարությունները: Այդ մասին այսօր հայտարարել է Իրանի արտգործնախարար Մոհամադ Ջավադ Զարիֆը ՌԴ ԱԳ նախարար Սերգեյ Լավրովի հետ հանդիպումից հետո կայացած մամուլի ասուլիսի ժամանակ, հայտնում է РИА Новости-ն:
Ավելի վաղ Բոլթոնն իր հեղինակած գրքում պատմել է, որ 2018 թվականի հունիսին Կրեմլում կայացած հանդիպմանը ՌԴ նախագահ Վլադիմիր Պուտինն իրեն հավաստիացրել է, որ ՌԴ-ն հետաքրքրած չէ Սիրիայում իրանցի զինվորականների ներկայությամբ, սակայն, մի կողմից, չի կարող ազդել նրանց դուրսբերման վրա, ինչպես ցանկանում է ԱՄՆ-ն, իսկ մյուս կողմից՝ պատրաստ չէ փոխարինել նրանց սիրիական հակամարտությունում:
«Մենք երբեք իրականություն չենք համարել այն, ինչ ասել է պարոն Բոլթոնը մեր ռուս գործընկերենրին, այդ թվում՝ ՌԴ նախագահ Պուտինին: Մենք կարծում ենք, որ դա չի համապատասխանում իրականությանը և այն համագործակցության մակարդակին, որն Իրանը ունի Ռուսաստանի, ինչպես նաև՝ Թուրքիայի հետ՝ Սիրիայում խաղաղության, կայունության և անդորրի ստեղծման համար»,- ասել է Զարիֆը:
Իրանի ԱԳ նախարարի խոսքով՝ Մոսկվայի և Թեհրանի հաջող համագործակցությունը հանգեցրել է Սիրիայում «Իսլամական պետություն» ահաբեկչական խմբավորման պարտությանը:
Կարծիքներ