Ադրբեջանական դիրքերից կրակել են Ներքին Սզնեքում կոմբայնով հունձ կատարող քաղաքացու ուղղությամբ․ ԱՀ ՆԳՆ
Օգոստոսի 4-ին ոստիկանության Ասկերանի շրջանային բաժնում հաղորդում է ստացվել, որ ժամը 15:00-ի սահմաններում, Ներքին Սզնեք գյուղի վարչական տարածքի «Դրավուն աղբյուր» կոչվող տեղամասի հարակից ադրբեջանական մարտական դիրքերից` հրաձգային տարբեր տրամաչափի զենքերով կրակել են Խնապատ համայնքի 40-ամյա բնակիչ Կ. Մ.-ի ուղղությամբ։
Այս մասին հայտնում են ԱՀ ՆԳՆ ոստիկանությունից։
Տղամարդը կոմբայնով հունձ է կատարել ցորենի դաշտում։ Բարեբախտաբար, տուժածներ չկան։
Հրադադարի պահպանման ռեժիմը խախտելու պատճառով դադարեցվել են գյուղատնտեսական աշխատանքները:
Հաղորդումը փոխանցվել է ռուսական խաղաղապահ զորակազմին։
Կարծիքներ