Էստոնիայի զինվորականները պատրաստ են արգելափակոցներ տեղադրել Ռուսաստանի հետ սահմանին

Էստոնիայի պաշտպանության նախարար Կալլե Լաանետը հայտարարել Է, որ զինվորականները պատրաստ են Ռուսաստանի հետ սահմանին փշալարե ժամանակավոր արգելափակոցներ տեղադրել ԵՄ-ի եւ ՆԱՏՕ-ի սահմանի վրա հնարավոր հիբրիդային գրոհները կանխելու նպատակով, տեղեկացնում Է «Արմենպրես»-ը:

Ավելի վաղ Էստոնիայի կառավարության պետական անվտանգության հանձնաժողովն առաջարկել Է Ռուսաստանի հետ սահմանն ամրապնդել փշալարե ժամանակավոր արգելափակոցների օգնությամբ: Լաանետի խոսքով՝ այժմ չկան այն բանի հստակ նախանշանները, որ Էստոնիայի և Ռուսաստանի սահմանին որևիցե սպառնալիք կա, բայց հարկավոր Է պատրաստ լինել իրադրության արագ զարգացմանը, ինչը ցույց են տալիս Բելառուսի հետ Լեհաստանի ու Լիտվայի սահմանի իրադարձությունները: «Մենք պատրաստ ենք ավելի քան 30 կիլոմետր երկարությամբ փշալարե ժամանակավոր արգելափակոցներ կանգնեցնել:

Քանի որ պահանջվում Է երեք-չորս շարք, ապա իրականում մենք ունենք 130 կիլոմետր փշալար: Ես համոզված եմ, որ շատ շուտով դա կիրականացվի»,- նոյեմբերի 17-ին ասել Է նախարարը՝ հանդես գալով ETV հեռուստաալիքի Esimene stuudio հաղորդման ժամանակ: Վերջին ժամանակներս Լեհաստանը, Լիտվան և Լատվիան հաղորդել են Բելառուսի սահմանից անօրինական միգրանտների թվի աճի մասին:

Նոյեմբերի 8-ին Բելառուսի պետական սահմանապահ կոմիտեն հաղորդել Է, որ Մերձավոր Արևելքի և Աֆրիկայի երկրներից միգրանտների մեծաթիվ խումբը ուղևորվել Է Լեհաստանի հետ Բելառուսի սահման: Մինսկին մեղադրել են միգրացիոն ճգնաժամ ստեղծելու մեջ: Մինսկը բոլոր մեղադրանքներ հերքում է: Բելառուսի նախագահ Ալեքսանդր Լուկաշենկոն հայտարարել Է, որ Մինսկն այլեւս չի զսպելու ԵՄ-ի երկրներ անօրինական միգրանտների հոսքը. Արևմուտքի պատժամիջոցների պատճառով դրա համար չկա «ո՛չ փող, ո՛չ ուժեր»: Բելառուսի սահմանապահները քանիցս հայտարարել են, որ Լիտվան, Լատվիան և Լեհաստանը բռնի կերպով միգրանտներին վտարում են բելառուսական տարածք: