ԱՄՆ-ում հայտարարել են ալգորիթմական պատերազմի մասին
«Աշխարհում սկսվել է ալգորիթմական պատերազմի դարաշրջանը», Popular Mechanics հրապարակման մեջ հայտարարել է ԱՄՆ Ռազմաօդային ուժերի քարտուղարի օգնական Ուիլ Ռոպերը:
«Եվ որքան էլ դա սարսափելի հնչի, այն տեղի է ունենում շատ ավելի մեծ ռազմի դաշտում՝ զենքով, որով հանդես են գալիս առևտրային տեխնոլոգիաներն ու ստարտափները»,- ասել է նա:
Ռոպերը հիշեցրել է,որ ԱՄՆ ռազմաօդային ուժերը որպես ինքնաթիռների երկրորդ օդաչու ներկայումս օգտագործում են արհեստական բանականության (AI) համակարգ: Մասնավորապես, U-2 օդային հետախուզական ինքնաթիռներում օգտագործում են արհեստական ինտելեկտի համակարգը, որն ի սկզբանե մշակվել է շախմատ խաղալու համար:
«Համակարգչային ծրագրերի համար պատերազմի գեյմիֆիկացիան նորություն չէ», – հավաստիացրել է Ռոպերը՝ նշելով, որ U-2 հետախուզական գործողությունների իրականացումը գործնականում չի տարբերվում համակարգչային խաղի ալգորիթմներում ամրագրված պայմաններից:
Նրա կարծիքով՝ «պատմությունը հեշտությամբ կարող է ավարտվել հենց այստեղ. ալգորիթմական պատերազմը նոր մարտադաշտ է, իսկ արհեստական ինտելեկտը՝ նոր զենք»:
Ըստ Ռոպերի՝ ապագայի հեռանկարային տեխնոլոգիաները ներառում են տիեզերագնացությունը, քվանտային մեքենաները և սինթետիկ կենսաբանությունը:
Կարծիքներ